საქართველოს შინაგან საქმეთა სამინისტროს ზუგდიდის რაიონული სამმართველოს თანამშრომლებმა ორდღიანი ძებნის შემდეგ 2004 წელს დაბადებული ლუკა იპოვეს. ინფორმაცია ნეტგაზეთს შინაგან საქმეთა სამინისტროდან აცნობეს.
ლუკა სახლიდან 10 მაისს, საღამოს, დაახლოებით 16:00 საათზე გავიდა და უკან აღარ დაბრუნებულა. პოლიციამ მისი ძებნა გუშინვე დაიწყო და დღეს სულ ცოტა ხნის წინ ზუგდიდში იპოვა. სამართალდამცველების ცნობით, ბავშვი თავს კარგად გრძნობს და ის უკვე ოჯახთანაა.
შინაგან საქმეთა სამინისტროს ცნობით, ლუკა აქამდეც რამდენჯერმე დაიკარგა. როგორც შსს–ში გვითხრეს, მშობლები, მათი ახლობლები ან პოლიციელები აქამდეც რამდენიმე დღეში პოულობდნენ ბავშვს.
კომენტარები