სტამბოლში უკრაინისა და რუსეთის დელეგაციებს შორის მოლაპარაკებების მეორე რაუნდი დასრულდა. ინფორმაციას ამის შესახებ უკრაინული მედია ავრცელებს.
„სტამბოლში მოლაპარაკებები ახლახან დასრულდა და მინისტრ უმეროვის სრულ მოხსენებას ველოდები. მათ თურქული მხარის გავლით გაცვალეს დოკუმენტები და ჩვენ სამხედრო ტყვეების ახალი გათავისუფლებისთვის ვემზადებით“, – აღნიშნა უკრაინის პრეზიდენტმა, ვოლოდიმირ ზელენსკიმ.
„თუ რუსეთი სტამბოლის შეხვედრას უშინაარსო საუბრად გადააქცევს, ზეწოლის ახალი დონე უნდა დაწესდეს, ახალი სანქციები არა მხოლოდ ევროპისგან. ჩვენ გვჭირდება ერთობლივი სანქციები „დიდი შვიდეულის“ დონეზე, ამერიკის შეერთებული შტატების ჩათვლით, და ყველასგან, ვისაც მსოფლიოში მშვიდობა სურს“.
კომენტარები