ირანის საგარეო საქმეთა მინისტრმა, აბას არაღჩიმ განაცხადა, რომ თეირანი მალე უპასუხებს აშშ-ის ბირთვულ წინადადებას. ამის შესახებ მან ეგვიპტეში ვიზიტის დროს განაცხადა.
ახალი ბირთვული შეთანხმების შესახებ ამერიკის წინადადება ირანს შაბათს წარუდგინა ომანის საგარეო საქმეთა მინისტრმა, საიდ ბადრალბუსაიდიმ, რომელიც ვიზიტით იმყოფებოდა თეირანში.
„ჩვენ მალე გავცემთ შესაბამისს პასუხს. პასუხს, რომელიც ემყარება ირანის ისლამური რესპუბლიკის პრინციპებს, ირანის ხალხის ეროვნულ ინტერესებს და ირანის ხალხის უფლებებს“, – თქვა საგარეო საქმეთა მინისტრმა.
„როიტერს“ ანონიმურმა წყარომ განუცხადა, რომ ირანი ამერიკის წინადადებას უარყოფითად უპასუხებს. თეირანში ფიქრობენ, რომ ამ წინადადებას პერსპექტივა არ აქვს და არ ითვალისწინებს მათ ინტერესებს.
შეგახსენებთ, რომ დონალდ ტრამპის მთავარი მოთხოვნაა, ირანი არ ფლობდეს ბირთვულ იარაღს. ტრამპის თეთრ სახლში დაბრუნების შემდეგ ირანმა და აშშ-მა ომანის შუამავლობით მოლაპარაკებები აპრილის თვეში დაიწყეს.