პენტაგონში დაადასტურეს, რომ აშშ-ის თავდაცვის მდივანი, პიტ ჰეგსეტი მონაწილეობას მიიღებს ჩრდილოატლანტიკური ალიანსის თავდაცვის უწყებების ხელმძღვანელთა შეხვედრაში, რომელიც 5 ივნისს ნატოს შტაბ-ბინაში, ბრიუსელში გაიმართება.
როგორც პენტაგონის სპიკერმა, შონ პარნელმა განაცხადა, პიტ ჰეგსეტი სიტყვით გამოსვლისას ხაზს გაუსვამს დონალდ ტრამპის მოწოდებას ნატოს მოკავშირეებისადმი, „მშპ-ის 5% დახარჯონ თავდაცვაზე და ნატო კვლავ კოლექტიურ თავდაცვასა და შეკავებაზე გადააწყონ“.
გარდა ამისა, ჰეგსეტი 6 ივნისს საფრანგეთშიც ჩასვლას გეგმავს, სადაც ნორმანდიაში მოკავშირეთა ჯარების გადმოსხმის წლისთავისადმი მიძღვნილ საზეიმო ღონისძიებებში მიიღებს მონაწილეობას.
კომენტარები