ევროკომისიამ ბულგარეთს უფლება მისცა 2026 წლის 1 იანვრიდან ევროზონას შეუერთდეს და ევრო ფულის ოფიციალურ ერთეულად ევრო გამოაცხადოს. ინფორმაციას ევროკომისიის პრესსამსახური ავრცელებს.
„ევრო – ევროპული ძალისა და ერთობის ხელშესახები სიმბოლოა. დღეს ბულგარეთი კიდევ ერთი ნაბიჯით მიუახლოვდა გადაწყვეტილებას, რომელიც ევროს მის ვალუტად აქცევს. ევროს წყალობით ბულგარეთის ეკონომიკა გახდება უფრო ძლიერი, გაიზრდება ვაჭრობა ევროზონის პარტნიორებთან, პირდაპირი უცხოური ინვესტიციები, წვდომა ფინანსებზე, ხარისხიანი სამუშაო ადგილები და რეალური შემოსავლები“, – ციტირებს პრესსამსახური ევროკომისიის პრეზიდენტს, ურსულა ფონ დერ ლაიენს.
ევრო, როგორც ევროკავშირის ერთიანი ვალუტა მიმოქცევაში 2002 წელს შევიდა. ის ევროკავშირის 20 ქვეყანაში გამოიყენება.
კომენტარები