რუსეთის ხელისუფლება აღადგენს ყველა იმ თვითმფრინავს, რომელიც უკრაინამ ოპერაცია „ობობას ქსელის“ დროს დააზიანა, – განაცხადა რუსეთის საგარეო საქმეთა მინისტრის მოადგილემ, სერგეი რიაბკოვმა.
„ტექნიკა, რაზეც არის საუბარი, როგორც გაცხადებული იყო თავდაცვის სამინისტროს წარმომადგენლების მიერ, განადგურებული არ არის, ის დაზიანებულია და აღდგება“, – თქვა რიაბკოვმა.
ცნობისთვის, 1 ივნისს უკრაინამ ოპერაცია „ობობას ქსელი“ ჩაატარა, რომლის ფარგლებში რუსეთის სიღრმეში მდებარე ოთხი სამხედრო აეროდრომი დრონებით დაბომბა. დაბომბვის შედეგად რამდენიმე ათეული რუსული თვითმფრინავი განადგურდა, მათ შორის სტრატეგიული ბომბდამშენები.
კომენტარები