აშშ-ის პრეზიდენტმა, დონალდ ტრამპმა მაღალი შეფასება მისცა უკრაინის მიერ ჩატარებული ოპერაციას სახელწოდებით „ობობას ქსელი“, რომლის ფარგლებში რუსეთის სიღრმეში მდებარე აეროდრომები და თვითმფინავები დაიბომბა. ინფორმაციას Axios-ი თეთრი სახლის გარემოცვაზე დაყრდნობით ავრცელებს.
ტრამპმა უკრაინის სპეცსამსახურების მიერ ჩატარებული ოპერაციით აღფრთოვანება ვერ დამალა და მას „ძლიერი“ და „მაგარი“ უწოდა, წერს გამოცემა.
ამავდროულად, აშშ-ის პრეზიდენტი შიშობს, რომ უკრაინის ოპერაცია ცეცხლის შეწყვეტის მიღწევას ხელს შეუშლის. როგორც გამოცემას თვითმხილველები უყვებიან, ტრამპს ეშინია, რომ პუტინი შურს იძიებს. ტრამპს აწუხებს ის, რომ პუტინის საპასუხოდ, შესაძლოა, „გაგიჟდეს“.
ცნობისთვის, 1 ივნისს უკრაინამ ოპერაცია „ობობას ქსელი“ ჩაატარა, რომლის ფარგლებში რუსეთის სიღრმეში მდებარე ოთხი სამხედრო აეროდრომი დრონებით დაბომბა. დაბომბვის შედეგად რამდენიმე ათეული რუსული თვითმფრინავი განადგურდა, მათ შორის სტრატეგიული ბომბდამშენები.