ისრაელის პრემიერ-მინისტრი ბენიამინ ნეთანიაჰუ საქართველოს პრემიერ-მინისტრს, ირაკლი კობახიძეს საქართველოს დამოუკიდებლობის დღეს ულოცავს. ამის შესახებ ინფორმაციას საქართველოს მთავრობის ადმინისტრაციის პრესსამსახური ავრცელებს.
ბენიამინ ნეთანიაჰუს თქმით, ისრაელსა და საქართველოს, საუკუნეებია, განსაკუთრებული კავშირები აქვთ, რაც საერთო ღირებულებებსა და ღრმა ისტორიულ კავშირებს ეფუძნება.
“ბატონო პრემიერ-მინისტრო, ისრაელის სახელმწიფოს სახელით, გულთბილად ვულოცავ ქართველ ხალხს დამოუკიდებლობის დღეს, 26 მაისს. ისრაელსა და საქართველოს, საუკუნეებია, განსაკუთრებული კავშირები აქვთ, რაც ჩვენს საერთო ღირებულებებსა და ღრმა ისტორიულ კავშირებს ეფუძნება.
ბოლო წლებში, ჩვენს ქვეყნებს შორის არსებული მჭიდრო კავშირები ტურიზმის მკვეთრი ზრდითაც ხასიათდება, რაც კულტურული გაცვლისა და ურთიერთსასარგებლო საქმიანობის მნიშვნელოვანი საშუალებაა. ვსარგებლობ შესაძლებლობით და მადლიერებას გამოვხატავ ტოლერანტობისთვის, რომელსაც თქვენ და თქვენი მთავრობა იჩენთ საქართველოში ებრაული თემის მიმართ. გისურვებთ წარმატებებსა და კეთილდღეობას,” -აღნიშნავს ისრაელის პრემიერ-მინისტრი ბენიამინ ნეთანიაჰუ მისალოც წერილში, რომელიც ირაკლი კობახიძემ მიიღო.