აშშ-ის პრეზიდენტ დონალდ ტრამპისა და და მის ყოფილ მრჩეველ, მილიარდერ ილონ მასკს შორის დაპირისპირება გრძელდება. ტელეკომპანია NBC News-ს ეთერში ტრამპი მასკს დემოკრატების მხარდაჭერის შემთხვევაში სერიოზული შედეგებით დაემუქრა.
„ეს თუ გააკეთა, სერიოზული ფასის გადახდა მოუწევს“, – განაცხადა მან.
ამასთან, ტრამპმა აღიარა, რომ ჭორები იმის შესახებ, თითქოს Tesla-ს ხელმძღვანელმა შესაძლოა შემდგომ არჩევნებზე მხარი დემოკრატიული პარტიას დაუჭიროს, მასში „დეპრესიას იწვევს“.
პრეზიდენტმა ასევე უარყოფითად უპასუხა კითხვას იმის შესახებ, სურს თუ არა მასკთან ურთიერთობების მოგვარება და აღნიშნა, რომ მისი და მასკის ურთიერთობას დასრულებულად მიიჩნევს.
ილონ მასკსა და დონალდ ტრამპს შორის საჯარო დაპირისპირება მას შემდეგ დაიწყო, რაც მილიარდერმა გააკრიტიკა რესპუბლიკელების „დიდებული და მშვენიერი კანონპროექტი“ საგადასახადო შეღავათების შესახებ. ტრამპი კი თავის ყოფილ მრჩეველს მის კომპანიებთან სახელმწიფო კონტრაქტების გაუქმებით დაემუქრა.
