ყოფილი პრემიერ-მინისტრი მზად არის, “რუსთავი 2”-ის ჟურნალისტებს შეხვდეს, – ამის შესახებ ბიძინა ივანიშვილმა საზოგადოებრივ მაუწყებელში სტუმრობის შემდეგ განაცხადა.
ივანიშვილმა საზოგადოებრივ მაუწყებელში რადიო „თავისუფლების“ ჟურნალისტის, სალომე ასათიანის შეკითხვებს უპასუხა.
„მე მზად ვარ, შევხდე, „რუსთავი 2“- ის და ასევე „ტაბულას“ კრიტიკულად განწყობილ ჟურნალისტებს, – განაცხადა ბიძინა ივანიშვილმა.
მისი თქმით, თუ ამ ტელეკომპანიების მხრიდან იქნება შესაბამისი სურვილი, იგი მივა „რუსთავი 2“- შიც, მხოლოდ იმ პირობით, რომ მის ბოლო წერილში დასმულ საკითხებზე საუბრის საშუალება მიეცემა, ამის შემდეგ კი მზად არის, მათ კრიტიკულ შეკითხვებს უპასუხოს.
კომენტარები
