სტუმარ-მასპინძლობა არის საქართველოს განსაკუთრებული ხიბლი და ის იდენტობა, რომელიც ჩვენს ქვეყანას გააჩნია და ეს ყველაფერში გამოიხატება, – განაცხადა გადაცემაში „იმედის კვირა“ საქართველოს ტურიზმის ეროვნული ადმინისტრაციის ხელმძღვანელმა მაია ომიაძემ საქართველოს მსოფლიო გასტრო ფესტივალში მონაწილეობაზე საუბრისას.
„წელს შარშანდელი გამოცდილებით უკვე გვცნობენ კიდეც. სტუმრები, მედია საშუალებები სპეციალურად მოდიან იმისთვის, რომ ქართული კუთხე ნახონ, ქართული კერძების და ქვეყნის პრეზენტაციას დაესწრონ. ჩვენთან ერთად იმყოფება ღვინის ადმინისტრაცია და მასაც აქვს ქართული ღვინის 8 ათას წლოვანი ტრადიციის გაცნობითი პრეზენტაცია, ქვეყნის პრეზენტაცია ბრიტანელი სტუმრების მიმართ“, – აღნიშნა მაია ომიაძემ.
კომენტარები