ფინეთის პრეზიდენტმა, ალექსანდრ სტუბმა განაცხადა, რომ ის მზადაა დაამტკიცოს პალესტინის სახელმწიფოს აღიარება, თუ შესაბამის დადგენილებას მისი მთავრობა მიიღებს. ინფორმაციას ფინური მედია ავრცელებს.
სტუბმა იმედი გამოთქვა, რომ ფინეთი პალესტინას აღიარებს და უახლოეს კვირებში ცნობილი გახდება, მიმართავს თუ არა მას მთავრობა ასეთი თხოვნით.
„ჩვენ ამ რთულ საკითხს 2023 წლის ოქტომბრის დასაწყისიდან ვიხილავთ. ახლა მე ვხედავ, რომ სიტუაცია იქამდე მივიდა, რომ ფინეთმა საკუთარი არჩევანი უნდა დააფიქსიროს“, – თქვა ფინეთის პრეზიდენტმა.
ფინეთის კონსტიტუციის თანახმად, უცხო სახელმწიფოს აღიარება პრეზიდენტის მიერ ხდება, თუმცა ის მთავრობის შესაბამის წინადადებას უნდა ეფუძნებოდეს.
კომენტარები