ბრაზილიის პრეზიდენტ ლუის ინასიო ლულა და სილვასა და რუსეთის პრეზიდენტ ვლადიმერ პუტინს შორის უკრაინის საკითხთან დაკავშირებით სატელეფონო საუბარი გაიმართა.
როგორც მედია წერს, საუბარი 40 წუთს გაგრძელდა.
როგორც ბრაზილიის პრეზიდენტის განცხადებაში აღნიშნულია, პუტინმა ლუის ინასიო ლულა და სილვას ინფორმაცია გაუზიარა აშშ-თან მისი საუბრებისა და „რუსეთსა და უკრაინას შორის უახლესი სამშვიდობო ძალისხმევის შესახებ“.
სატელეფონო საუბრის შესახებ კრემლის მიერ გავრცელებულ განცხადებაში კი ნათქვამია, რომ „ბრაზილიის პრეზიდენტმა უკრაინის კრიზისის მოგვარებისკენ მიმართულ ძალისხმევას მხარდაჭერა გამოუცხადა“.
ამასთან, უკრაინის საკითხის გარდა, ლიდერებმა ასევე განიხილეს თანამშრომლობა და დაადასტურეს ორმხრივი ვალდებულება რუსეთ-ბრაზილიის სტრატეგიული პარტნიორობის გაძლიერების მიმართ.