ლონდონში კანონმდებლობით აკრძალული პროპალესტინური ორგანიზაციის Palestine Action მხარდამჭერ აქციაზე 474 ადამიანი დააკავეს.
აქცია პარლამენტის მოედანზე გაიმართა. ზუსტად 13:00 საათზე ასობით ადამიანი მოედანზე დაჯდა და ღაზის და Palestine Action-ის მხარდამჭერი პლაკატები გაშალეს.
სამართალდამცველების ინფორმაციის, 466 დემონსტრანტი ორგანიზაციის მხარდაჭერისთვის იყო დაკავებული, 5 – პოლიციელებზე თავდასხმისთვის, 2 – საზოგადოებრივი წესრიგის დარღვევასთან დაკავშირებული სამართალდარღვევის გამო და 1 – რასობრივი მოტივებით ჩადენილი დანაშაულის ბრალდებით.
დიდი ბრიტანეთის მთავრობამ Palestine Action 2000 წლის ტერორიზმის აქტის მიხედვით აკრძალა, შესაბამისად ორგანიზაციის წევრობა და მისი მხარდაჭერა კრიმინალად ითვლება და სასჯელის სახით 14 წლამდე თავისუფლების აღკვეთას ითვალისწინებს.