უკრაინის პრეზიდენტმა ვოლოდიმირ ზელენსკიმ აღნიშნა, რომ ომის დასრულების მცდელობებთან დაკავშირებით ამერიკულ მხარესთან კონტაქტები სხვადასხვა დონეზე თითქმის 24 საათის განმავლობაში გრძელდება.
უკრაინის პრეზიდენტი ტრადიციული მიმართვისას ტერიტორიების საკითხსაც გამოეხმაურა და კიდევ ერთხელ აღნიშნა, რომ რუსეთის სურვილი განკარგავდეს უკრაინულ ტერიტორიებს, სურვილად დარჩება.
„ჩვენი ყველა სიგნალი გადაეცათ. ჩვენი არგუმენტები მოისმინეს. საფრთხეები გათვალისწინებულია. უკრაინისთვის მშვიდობისკენ მიმავალი გზა მხოლოდ უკრაინასთან ერთად უნდა განისაზღვროს. ყველა ხედავს პუტინის ტაქტიკას. მას ეშინია სანქციების და ყველაფერს აკეთებს მათგან თავიდან დასაღწევად. მისი სურვილია ომსა და მკვლელობებში პაუზა ჩვენი მიწების ოკუპაციის ლეგალიზაციაზე გაცვალოს. მას ტერიტორიული ნადავლის მეორედ მიღება სურს. ჩვენ არ დავუშვებთ, რომ რუსეთმა უკრაინის გაყოფების ეს მეორე მცდელობა განახორციელოს“, – განაცხადა ზელენსკიმ.