“ახალი პოლიტიკური მოძრაობა – ჩვენ საქართველოსთვის” დაფუძნდა. პირველ სადამფუძნებლო ყრილობაზე, რომლსაც 500-ზე მეტი დელეგატი ესწრებოდა, პარტიის თავმჯდომარედ არჩეული იქნა ნინო ჩარკვიანი.
ახლად დაფუძნებული მოძრაობის ლიდერმა – ნინო ჩარკვიანმა განაცხადა: “ჩვენ საქართველოსთვის” მემარჯვენე-ცენტრისტული გაერთიანებაა, რომლის მიზანი დასავლური ფასეულობების და ეროვნული ღირებულებების თანხვედრით ძლიერი და დამოუკიდებელი სახელმწიფოს შექმნაა.
მისივე თქმით, ახალი პოლიტიკური მოძრაობის მთავარი ორიენტირი ქვეყნაში რეალური ცვლილებების განხორციელება იქნება; საზოგადოებამ უნდა იგრძნოს, რომ პარტიები და პოლიტიკოსები მხოლოდ სტატისტიკისთვის კი არ ფუძნდებიან და არსებობენ, არამედ ქვეყნის მოქალაქეების ცხოვრების ყველა მიმართულებით გასაუმჯობესებლად კონკრეტულ ნაბიჯებს დგამენ. გუნდის ერთ-ერთი მთავარი მიზანი, თითოეული მოქალაქის ინტერესების დაცვა და პოლიტიკური სისტემის გაჯანსაღებაა.
პარტიას ჰყავს ახალი, პროფესიონალი, ღირსეული სახეები, რომელთაც პოლიტიკური მოძრაობა უახლოეს მომავალში საზოგადოებას და მედიას პარტიის პრეზენტაციაზე წარუდგენს.
ნინო ჩარკვიანი “ახალი პოლიტიკური მოძრაობა – ჩვენ საქართველოსთვის” თავმჯდომარე გახდა
03.06.2016 11:30:46
ნანახია: 2484 ჯერ