ამბროლაურის მუნიციპალიტეტის სოფ. მუხლის ტერიტორიაზე, მდ. რიონის მარცხენა შენაკადის მარჯვენა ფერდობზე მეწყერი ჩამოწვა. ამის შესახებ გარემოს ეროვნული სააგენტო ავრცელებს ინფორმაციას.
“ამბროლაურის მუნიციპალიტეტის სოფ. მუხლის ტერიტორიაზე, მდ. რიონის მარცხენა შენაკადის მარჯვენა ფერდობზე ადგილი ჰქონდა მასშტაბური მეწყრული პროცესების ჩასახვა-გააქტიურებას, რომელმაც მოიცვა სოფლის ტერიტორიის დაახლოებით 10.0 ჰა მიწის ფართობი და მწყობრიდან გამოვიდა შიდა საუბნო მისასვლელი გზები, ელექტროგადამცემი ხაზები და წყალმომარაგების მილგაყვანილობა.
გარემოს ეროვნული სააგენტოს გეოლოგების მიერ ოპერატიულად განხორციელდა ადგილზე სიტუაციის შეფასება და შემუშავებული იქნა რეკომენდაციები, დამცავი ღონისძიებების გატარების მიზნით. სპეციალისტები ადგილზე იმყოფებიან მიმდინარეობა დამატებით კვლევებს”, – ნათქვამია გარემოს ეროვნული სააგენტოს ინფორმაციაში.