ანდრეი ბაბიშის პარტია ANO-მ ორშაბათს კოალიციური შეთანხმება გააფორმა მემარჯვენე ფრთის მოკავშირეებთან. ინფორმაციას ამის შესახებ სააგენტო Reuters-ი ავრცელებს.
„ბაბიშის ხელისუფლებაში დაბრუნება მოკავშირეებთან ერთად გააძლიერებს პოპულისტურ, ანტიმიგრაციულ და ეროვნულ სუვერენიტეტზე ორიენტირებულ ბანაკს ევროკავშირში, რამაც შესაძლოა შეასუსტოს უკრაინის მხარდაჭერა“, – წერს საინფორმაციო სააგენტო Reuters-ი.
პარტია ANO-ს ხელმძღვანელობით შექმნილი კაბინეტი, თუკი მას დანიშნავენ, ჩაანაცვლებს მემარჯვენე-ცენტრისტულ მთავრობას, რომელიც ფოკუსირებული იყო ბიუჯეტის დეფიციტის შემცირებასა და უკრაინის მხარდაჭერაზე.
ბაბიშმა პირობა დადო, რომ შეწყვეტს უკრაინისთვის ჩეხეთის ბიუჯეტიდან ნებისმიერ დახმარებას. მან ასევე, ერთი თვის წინ, არჩევნებამდე დადო პირობა, რომ დაასრულებდა ჩეხეთის მიერ მართულ და უცხოეთიდან დაფინანსებულ პროგრამას კიევისთვის საბრძოლო მასალის მიწოდების შესახებ.