„ბიძინა ივანიშვილის შექმნილია ეს გუნდი -„ქართული ოცნება“, ამას რომ თავი დავანებოთ, წასულ, დამანგრეველ მიშას ეკითხებიან ყველაფერს დღემდე და ბიძინამ ხმა არ უნდა ამოიღოს?!”, – აცხადებს მსახიობი ლალი ბადურაშვილი „მარშალპრესთან“ საუბარში ასევე აღნიშნავს, რომ ბიძინა ივანიშვილი პოლიტიკიდან არ უნდა წასულიყო.
„ყველამ უნდა ილაპარაკო, ჟუნრალისტებმაც რომლებიც თავიანთ პოზიციას გამოხატავენ და ბიძინამ რა დააშავა, კუთხეში იდგეს და ხმა არ ამოიღოს? ეს რა დამოკიდებულება, რა მიდგომაა? ისევ სასაცილოა, სატირალი რომ არ იყოს. ბიძინა რომ არა მიშას და იმ მოძრაობას, ვინმე მოიცილებდა? მათგან ბიძინაზე ჭკვიანი რომელია და რატომ არ უნდა შეეკითხონ აზრი? მე არ ვამბობ, რომ უნდა დიქტატორობდეს და არც მგონია, ის ასეთი იყოს, მაგრამ აზრის გამოთქმის უფლება არ აქვს?! იცით, რამ გადაარჩინა საქართველო? საშინელ ქართველებში გამოჩნდებოდა ისეთი კაცი, რომელიც ყველაფერს წინ უძღოდა და გამოჰყავდა ქვეყანა იმ უფსკრულიდან, სადაც უნდა გადაჩეხილიყო. ვფიქრობ, ბატონი ბიძინაც ვერ ათვითცნობიერებს რა მისია აქვს. ფაქტია, ქვეყანა გადაარჩინა ამ განადგურებას გადაარჩინა. მე ვფიქრობ, ის უნდა დარჩენილიყო პოლიტიკაში, ქვეყნისთვის ასე უფრო უკეთესი იქნებოდა“, – განაცხადა ლალი ბადურაშვილმა.