ჩვენ ასე გვინდა, ნიკა გვარამია დარჩეს თანამდებობაზე, – ამის შესახებ ტელეკომპანია “რუსთავი 2”-ის გადაცემა “სხვა შუადღის” ერთ-ერთმა წამყვანმა მარინა ბერიძემ ჟურნალისტებს განუცხადა.
რაც შეეხება დამატებით დეტალებს, ბერიძემ აღნიშნა, რომ სწორედ ვითარებაში გასარკვევად მივიდა“რუსთავი 2“ ში.
„მოვედი, სამსახურში, რომ გავარკვიო რა ხდება ჩვენს არხზე“, – აღნიშნა ბერიძემ.
ნიკა გვარამიას მიერ არხის გენერალური დირექტორის თანამდებობის დატოვების შესახებ ინფორმაცია გუშინ გავრცელდა.
არაოფიციალური ინფორმაციით, ტელეკომპანიის თანამშრომლები ნიკა გვარამიას გადაწყვეტილების შეცვლას და თანამდებობაზე დარჩენას სთხოვენ.
კომენტარები