ნანა გაგუა პოსტს ავრცელებს.
“ვერსალში არ დავბადებულვარ. დიდუბეში დავიბადე და გავიზარდე.
ბევრი ჩემი მეგობარი ბიჭი ნარკოტიკმა და ქუჩურმა გარჩევებმა შეიწირა. არაერთხელ ჩავმდგარვარ დაპირისპირებულ მხარეებს შორის და ახალგაზრდული პათოსით მიცდია, შემერიგებინა დაპირისპირებული და წაკინკლავებული ბიჭები. ხანდახან გამომდიოდა კიდეც და რიგდებოდნენ. აი, ნარკოტიკებს კი ვერაფერს ვშველოდით! სახეში ჩამიხედავს საზარელი ”ლომკისა” და ”პრიხოდისათვის”. მერე? მერე სახლებში ადგებოდნენ და სულ ხელებგადაგრეხილები მიყავდათ ბიჭები განყოფილებებში, შემდეც კი ციხეში. ჯერ კიდევ მაშინ ამბობდნენ ”ბოროტი ხმები”, სწორედ ბარიგები ”უშვებენ” პოლიციასთან ბიჭებსო. 80-იანი წლები იყო გარეთ. ჩვენც ყველანი ძალიან პატარები ვიყავით და არ ვიცოდით, ვინ თეთრი იყო და ვინ შავი. ბიჭები ცეცხლს ეთამაშებოდნენ, გოგოები კი მათ გადარჩენას ვცდილობდით, თუმცა ამაოდ…. და წავიდა, ჩაწვა მთელი თაობა…. გარჩევები და ნარკოტა მათ, სამწუხაროდ, თვითდამკვიდრებისთვის ჭირდებოდათ თუ რისთვის, დღესაც არ ვიცი…. თუმდა, ახლაც თვალწინ მიდგას ბევრი მათგანის სახე: ოდესღაც ლამაზი, ფრთაგაშლილი ბიჭები საბოლოოდ ლანდებად იქცნენ! … და წავიდნენ! უბნის ქუჩებიდან სამარადისობაში გადაინაცვლეს და ”წავიდნენ”.???️”-წერს გაგუა.