საგარეო საქმეთა სამინისტროს შენობის წინ, ქართველი მფრინავის სოსო ოსურაულის მხარდამჭერ აქციაზე ინციდენტი მოხდა. აქციის მონაწილეებმა “ნაციონალური მოძრაობის” წარმომადგენლის, გიორგი ბარამიძის გამოჩენის გამო, უკმაყოფილება გამოთქვეს და განაცხადეს, რომ ბარამიძეს სოსო ოსურაულის მხარდამჭერ აქციაზე გამოჩენის მორალური უფლება არ ჰქონდსა. მათი განცხადებით, ბარამიძემ “კოდორის ხეობა დაბობომბვის” განკარგულება გასცა. აქციის მონაწილეების შეურაცხმყოფელ განცხადებებს თავად ბარამიძე არ გამოხმაურებია. ხმაურის შემდეგ, აქციაზე ორი პირი დააკავეს.
„კოდორის ხეობის დამბობმველი და სვანეთის მტერი ვინც იყო, გია ბარამიძე, რომელიც მოვიდა, მივედით და ვუთხარით, რა ნამუსით მოხვედი შენ სოსო ოსურაულის აქციაზე, რომელმაც დაავალა კოდორის ხეობის დამბობვა და ეს ბრძანება სოსო ოსურაულმა არ შეასრულა. ქართული სოფლები არ დაბომბა, უკან მობრუნდა და ამის გამო უდიდესი პრობემები ჰქონდა. „ნაციონალურმა მოძრაობამ“ სოსო ოსურაულის ნაწილში ჩაატარა „ენვერის“ ოპერაცია“,-განაცხადა აქციის ერთ-ერთმა მონაწილემ, ერმილე ნემსაძემ.
მისი თქმით, სოსო ოსურაულმა ის 2008 წლის აგვისტოში გადაარჩინა.
„მე სოსო ოსურაულმა 2008 წლის აგვისტოში გადამარჩინა. სანამ შემეძლება და როგორც შემეძლება, მისი გულისთვის ვიბრძოლებ ყოველთვის. ასეთი არაკაცები არ უნდა მოდიოდნენ აქ. სირცხილი ამ მთავრობას და სირცხვილი ყველას“,-აღნიშნა მან.
აქციის კიდევ ერთი მონაწილის განცხადებით, სოსო ისურაული „ნაციონალური მოძრაობისთვის“ პოლიტიკური პროდუქტია.
„მე ვარ შეიარაღებული ძალების თადარიგის ოფიცერი, დავით ნემსაძე, ადამიანი, რომელმაც პირველად გააშუქა სოსო ოსურაულის ტყვეობის ამბავი. სად იყვნენ ეს ბატონები ორი, სამი თვის წინ , რატომ არავინ არ იღებდა ხმას. თადარიგის სამხედროები, ვისაც ღირსება შერჩათ და ვინც იცის სამხედრო ფორმის ფასი, მოვიდა და დაინახა ის ხალხი, ვინც ჩვენ წლების წინ გვაუბედურებდა. ესენი იყვნენ ბატონი გვარამიძე, ბატონი ონიანი. მე თვითონ ვარ იმის თვითმხილველი, როგორ ჩაატარეს სოსო ოსურაულის ანწილში „ენვერის ოპერაცია“. კარგად იცოდეს ქართულმა საზოგადოებამ, სოსო ოსრაული დღეს იმიტომ არის ტყვედ, რომ მისი მეგობარი, რომელსაც კონგოში ჩაეშვა ბორტი და ავარია ჰქონდა ბორტზე, არ მიატოვა M 22-ის დაჯგუფება, გადასცა გაერო-ს ბორტს, ააყვანინა და თვითონ ჩამოაგდეს. ჯარისკაცები ერთმანეთს არ ტოვებენ და „ნაციონალური მოძრაობისთვის , სოსო ოსურაული არის პოლიტიკური პროდუქტი“,-განაცხადა დავით ნემსაძემ.
ოსურაულის ოჯახის წევრებს საგარეო საქმეთა მინისტრი სეხვდა. მისი ინფორმაციით, სავარაუდოდ, ოსურაული ცვოცხალი აღარ არის.
აქციაზე დაკავებული ორი პირი უკვე გათავისუფლებულია.
“მარშალპრესი”