ფოთში აფეთქების დროს დაშავებულების მდგომარეობა სტაბილურია. ისინი ქალაქის სამედიცინო დაწესებულებაში ექიმების მეთვალყურეობის ქვეშ იმყოფებიან.
როგორც ადგილზე განაცხადეს, 35 და 42 წლის კაცები პირველი და მეორე ჯგუფის დამწვრობებით შემოიყვანეს. მათ დამწვრობა სახის, კიდურებისა და წელის არეში აქვთ.
შემთხვევის ადგილზე სამაშველო ჯგუფები ამ დრომდე მუშაობენ. ხანძარი ლიკვიდირებულია. ამჟამად ცალკეული კერების ჩაქრობა მიმდინარეობს.
წისქვილკობინატში აფეთება დღეს სავარაუდოდ მე-7 სართულზე მოხდა. როგორც ადგილზე განაცხადეს, ხანძარმა ორი სართული მოიცვა. მიზეზი უცნობია, ერთერთი ვერსიით, აფეთქება ძრავაში მოხდა, ასევე განიხილავენ მოკლე ჩართვის ვერსიასაც.
შემთხვევის ადგილი უკვე დატოვეს ექსპერტკრიმინალისტებმა. ფაქტზე გამოძიება 170-ე მუხლით მიმდინარეობს, რაც შრომის დაცვის წესის დარღვევას გულისხმობს.