“პირველი სადგური, სატრანსპორტო კომპანიის დახმარებით, ჩვენი ოფისის წინ გავაკეთეთ. ეს არის პრუჟინისებრი, თავისი ნიშნით, აღჭურვილობით. ასევე ველომოყვარულებთან ერთად შევისწავლეთ, თუ სად შეიძლებოდა მეტად უსაფრთხოდ გაკეთებულიყო ველო სასიარულო ბილიკი და შევარჩიეთ დედაენის ბაღიდან, სანაპიროს გავლით ვახუშტის ხიდამდე. ამისთვის შესაბამისი სამუშაოები ჩატარდა, რაც კეთილმოწყობის სამსახურმა განახორციელა. დამონტაჟდა ღილაკზე შუქნიშნები, რომელსაც როგორც მოქალაქე, ასევე ველომოყვარული გამოიყენებს.
სულ არის 8 კილომეტრი. რამდენიმე დღეში დავიწყებთ დახაზვას და სადღაც ორ კვიორაში უნდა დასრულდეს და შესაძლებელი იქნება უკვე ობიექტის გახსნა. სპორტის სამსახურია აგრეთვე ჩართული რამდენიმე ლოკაციაზე, ზაარბრუკენის მოედანზე, რიყეზე და მხატვრებთანაა შერჩეული ადგილი, სადაც დამონტაჟდება ველოსადგომი. ტენდერის მიხედვით, რომელიც უკვე დაასრულა სპორტის სამსახურმა, დედაქალქში 25 ლოკაციაზე გაკეთდება ველოსადგომი”, – აცხადებს მამუკა მუმლაძე.