ფსიქოლოგი ნათია ფანჯიკიძე სოციალურ ქსელში ნიკა გვარამიას პოსტს ეხმაურება:
“საზოგადოება, ზრდასრული ადამიანები ასახიჩრებენ ბავშვებს, არასრულწლოვნებს და შემდეგ თავადვე უჭირთ თავიანთ შექმნილ ჯოჯოხეთში არსებობა. ცივსისხლიან ფსიქოპათს გადაეყარეთ? იცოდეთ, ეს თქვენვე ხართ, თქვენი ბნელი მხარის ანარეკლია განხორციელებული მასში.
თუ ადამიანი ავად არ არის, გამოგონება რა ფანტაზიაა? რა მიდრეკილებაა? თუ ავად არის, მაშინ ხომ უნდა გავითვალისწინოთ, რომ არცერთი ადამიანი არ ეკუთვნის მხოლოდ თავის თავს. ჰყავს შვილები, რომელთაც ამ ველური აღტყინების შემყურე შხამი უგროვდებათ სულში, დეფორმაციას განიცდის მათი გრძნობები, იწამლებიან და სიყვარულის, სიკეთის, ადამიანის რწმენას კარგავენ. ხოდა რატომ არ ვფიქრობთ მათზე? ისინი ხომ არ არიან ხალხის მტრები?
არ გეგონოთ, ყალბი თანაგრძნობის ან გათამაშებული ღვთისმოსაობა-სიკეთის ტყუილში მინდა ჩავაბა ვინმე, უბრალოდ არსებობს ტვინის შესაძლებლობების მენიუში თავშეკავების, კორექტულობის, ან სულაც დუმილის ფუნქციაც.”-წერს ფანიჯიკიძე