პარლამენტის თავმჯდომარე ირაკლი კობახიძე და იურიდიულ საკითხთა კომიტეტის თავმჯდომარე ეკა ბესელია პატრიარქს შეხვდნენ.
დეკანოზმა მიქაელ ბოტკოველის განცხადებით, დაახლოებით 20 წუთიან შეხვედრაზე საუბარი საკონსტიტუციო ცვლილებებსა და მონარქიის აღდგენის თემას შეეხო.
“შეხვედრაზე ზოგადი საუბარი იყო, სხვა საკითხებთან ერთად განიხილეს ის თემებიც, რომელიც ეკლესიისთვისაც აქტუალურია კონსტიტუციურ ცვლილებებთან დაკავშირებით.
მონარქიაზე მსჯელობა საზოგადოებაში უკვე დაწყებულია. პატრიარქის პოზიცია იყო ის, რაზეც გუშინ ისაუბრა საკვირაო ქადაგებაში, რომ იმედით უყურებს მონარქიის თემას და ფიქრობს, რომ ის სახელმწიფოებრიობის ისტორიაში განსაკუთრებულ როლს შეიტანს, თუ, რა თქმა უნდა, ეს იდეა საზოგადოებისთვის მისაღები გახდება. ეს იყო ძალიან ზოგადი შეხვედრა და ზოგადი საუბარი“, – განაცხადა დეკანოზმა მიქაელმა.