ირანის პრეზიდენტი დასავლურ მედიაში აიათოლა ჰამენეის ლიკვიდაციის შესახებ გამოქვეყნებულ ცნობას გამოეხმაურა და განაცხადა, რომ ნებისმიერი მცდელობა სრულმასშტაბიან ომს გამოიწვევს.
სოციალური ქსელით გავრცელებულ განცხადებაში მასუდ ფეზეშქიანი ირანში შექმნილი ეკონომიკური სირთულეების მიზეზად, რასაც მასშტაბური საპროტესტო ტალღა მოჰყვა, შეერთებული შტატები და მისი არაჰუმანური სანქციები დაასახელა.
„თუ ირანელი ხალხი სირთულეებისა და სიცოცხლის დაკარგვის რისკის წინაშე აღმოჩნდა, ამის ერთ-ერთი მთავარი მიზეზი ძველი მტრობა და არაადამიანური სანქციებია, რომელიც ჩვენს ქვეყანას შეერთებულმა შტატებმა და მისმა მოკავშირეებმა დაუწესეს. ნებისმიერი აგრესია ჩვენი ქვეყნის უზენაესი სასულიერო ლიდერის წინააღმდეგ, ირანელი ხალხისთვის სრულმასშტაბიანი ომის გამოცხადებად ჩაითვლება“, – წერს ფეზეშქიანი.