ესპანეთში ორი ჩქაროსნული მატარებლის შეჯახების შედეგად, სულ მცირე, 21 ადამიანი დაიღუპა, ათობით პირი კი დაშავდა. ამის შესახებ ინფორმაციას „ბიბისი“ ავრცელებს.
მედიის ინფორმაციით, ინციდენტი სამხრეთ ესპანეთში, ქალაქ კორდობასთან ახლოს მოხდა. გავრცელებული ინფორმაციით, მალაგადან მადრიდის მიმართულებით მიმავალი ჩქაროსნული მატარებელი, რომლის ბორტზეც დაახლოებით 300 მგზავრი იმყოფებოდა, ლიანდაგიდან გადავიდა და საპირისპიროდ, მადრიდიდან უელვის მიმართულებით მიმავალ ჩქაროსნულ მატარებელს შეეჯახა.
ანდალუსიის სასწრაფო დახმარების სამსახურების ცნობით, სულ მცირე, 25 ადამიანი მძიმედ დაშავდა, დანარჩენებმა კი მსუბუქი დაზიანებები მიიღეს.
„ბიბისის“ ინფორმაციით, შეჯახება მატარებლის მალაგადან გასვლიდან დაახლოებით ათი წუთის შემდეგ მოხდა. შემდეგად, მადრიდსა და ანდალუსიას შორის სარკინიგზო მოძრაობა შეჩერდა.