ილია მეორემ დეკანოზ გიორგი მამალაძის ოჯახის წევრებს უსაყვედურა, რატომ საუბრობენ, თითქოს დეკანოზი გიორგი მამალაძე ისე ახლოს იყო პატრიარქთან, რომ მასთან ღამე რჩებოდა.
პატრიარქმა გიორგი მამალაძის ძმას თორნიკე მამალაძეს მიმართა.
„ორშაბათის გაზეთში იყო თქვენი ინტერვიუ. პატრიარქთან რჩებოდაო ღამე მამა გიორგი. არ ყოფილა ასეთი შემთხვევა და უნდა გეშინოდეს ღმერთისა, როცა ამას ლაპარაკობ. ყოველ დღე და ღამე და თქვენ იმას ამბობთ, რომ ღამე რჩებოდაო, კიდეც რომ დარჩენილიყო, რა მოხდებოდა? ძალიან ფრთხილად უნდა ილაპარაკო, რაც თავში მოგადგება უნდა განსაჯო, გააანალიზო. პატრიარქს ეჭვის თვალით არ უნდა შეხედო“, – ამის შესახებ საქართველოს კათოლიკოს-პატრიარქი იმ აუდიოჩანაწერში საუბრობს, რომელიც საპატრიარქომ დღეს გაავრცელა.
როგორც პატრიარქმა აღნიშნა, მასთან რჩება სამი ადამიანი: დაცვის წარმომადგენელი, ერთი მონაზონი და ერთი მღვდელი.