შეუფასებელია პატრიარქის ღვაწლი ქრისტიანული სამყაროსთვის. ვუსამძიმრებ საქართველოსა და მთელ ქრისტიანულ სამყაროს, – განაცხადა მკლავჭიდში მსოფლიო ჩემპიონმა ლევან საგინაშვილმა.
„ის იყო ჩვენი სულიერი მამა, ამ ქვეყნად გვაძლიერებდა და დარწმუნებული ვარ, ახლა იმ ქვეყნიდან ილოცებს ჩვენთვის. მადლობა მას ყველაფრისთვის“, – აღნიშნა საგინაშვილმა.
სამების საკათედრო ტაძარში უწმინდესისთვის პატივის მისაგებად მისული მოქალაქეების რიგი არ წყდება. ისინი ილია მეორის ფასდაუდებელ ღვაწლს უსვამენ ხაზს.
სრულიად საქართველოს კათოლიკოს-პატრიარქის სულის მოსახსენებელ პანაშვიდზე ტაძარში ყოველდღიურად მიდიან: პრეზიდენტი, პრემიერი, პარლამენტის თავმჯდომარე, დედაქალაქის მერი, საკანონმდებლო და აღმასრულებელი ხელისუფლების წარმომადგენლები.
კომენტარები