საქართველო კათოლიკოს-პატრიარქს გლოვობს, მეოთხე დღეა ხალხის უსასრულო ნაკადია სამების ტაძარში, ტაძრის ეზოში და მიმდებარედ.
გრძელი რიგი ავლაბრის მოედნიდან იწყება. მოქალაქეები ჩამოდიან საქართველოს რეგიონებიდან და ელოდებიან რიგში თავის ადგილს, რათა პატრიარქს პატივი მიაგონ. დღეს და ხვალ, 12:00 საათზე, მთელ ქვეყანაში ტაძრებში გლოვის ზარებს დარეკავენ. დღეს ბოლო სამოქალაქო პანაშვიდია.
მეოთხე დღეა, ეპოქალურ ილია მეორეს მთელი საქართველო ეთხოვება, პანაშვიდს ემოციის გარეშე არავინ ტოვებს.
სამების საკათედრო ტაძარში ამ წუთებში მიცვალებულთა მოსახსენებელი ლიტურგია მიმდინარეობს.
კომენტარები