ომის დასრულების მოლაპარაკებებზე საუბრისას, თეთრი სახლის პრესსპიკერმა, კეროლაინ ლივიტმა მტკიცე პოზიციას გამოთქვა, – წერს sky news-ი.
ის ამბობს, რომ დონალდ ტრამპს “მშვიდობა სურს”, მაგრამ თუ ირანი დამარცხებას არ აღიარებს, აშშ-ის პრეზიდენტი “უფრო ძლიერად დაარტყამს მათ, ვიდრე ეს ოდესმე გაუკეთებია”.
“პრეზიდენტი ტრამპი არ იტყუება და მზადაა, ირანს ჯოჯოხეთი მოუწყოს. ირანმა აღარ უნდა დაუშვას შეცდომები. ბოლო შეცდომამ, მათ უმაღლესი ხელმძღვანელობა, საზღვაო ფლოტი, საჰაერო ძალები და საჰაერო თავდაცვის სისტემები დააკარგვინა. ამის შემდეგ, ნებისმიერი ძალადობა იმის გამო მოხდება, რომ ირანის რეჟიმმა უარი თქვა სიტუაციის გაგებაზე“, – განაცხადა ლივიტმა.
ცნობისთვის, მედია საშუალებები ადრე იუწყებოდნენ, რომ აშშ-მ ირანს წარუდგინა 15-პუნქტიანი გეგმა ომის დასასრულებლად, მათ შორის არის ბირთვული პროგრამაზე უარის თმა და გამდიდრებული ურანის გადაცემა.
ამასთან, ირანს თავისი მოთხოვნები აქვს აშშ-სთან. თეირანის ახალი მოთხოვნები მოიცავს რეგიონში აშშ-ის ბაზების დახურვას, თავდასხმებისთვის კომპენსაციას და სანქციების მოხსნას.
აღსანიშნავია, რომ აშშ-ის პრეზიდენტმა დონალდ ტრამპმა, რამდენიმე დღის წინ განაცხადა, რომ მხარეებს შორის მოლაპარაკებები ჩატარდა და მას პროდუქტიული უწოდა, თუმცა ირანმა მოლაპარაკებების არსებობა უარყო.