სლოვაკეთის პოლიციამ ქვეყნის პრემიერ-მინისტრის, რობერტ ფიცოს წინააღმდეგ გამოძიება დაიწყო.
ამის შესახებ განაცხადება ოპოზიციური პარტიის „თავისუფლება და სოლიდარობის“ ლიდერმა, ბრანისლავ გრელინგმა გააკეთა.
მისი თქმით, გამოძიება უკავშირდება რობერტ ფიცოს გადაწყვეტილებას, შეეწყვიტა უკრაინისთვის ელექტროენერგიის მიწოდება.
გრელინგის თქმით, პოლიციამ გამოძიება მას შემდეგ დაიწყო, რაც პრემიერის წინააღმდეგ განცხადება პარტიამ პოლიციაში შეიტანა.
პარტია „თავისუფლება და სოლიდარობის“ წვერები სლოვაკეთის პრემიერ-მინისტრს ადანაშაულებენ უფლებამოსილების ბოროტად გამოყენებაში, კაცობრიობის წინააღმდეგ დანაშაულებში, სახელმწიფო ღალატსა და „ტერორისტული აქტის ჩადენაში“.
ოპოზიციონერის თქმით, ფიცოს წინააღმდეგ განცხადებას „შეუერთდა 13 000-ზე მეტი მოქალაქე“.
ცნობისთვის, თებერვალში სლოვაკეთის პრემიერ-მინისტრმა განაცხადა, რომ მისი ქვეყანა წყვეტს უკრაინისთვის ელექტროენერგიის მიწოდებას, რადგან კიევმა არ აღადგინა რუსული ნავთობის ტრანზიტი „დრუჟბის“ მილსადენით.