“ბოკო ჰარამის” 700 მებრძოლი ნიგერიის არმიას ჩაბარდა

ტერორისტული დაჯგუფების “ბოკო ჰარამის” 700 მებრძოლი ნიგერიის არმიას ჩაბარდა.

ნიგერიის არმიის შტაბის ხელმძღვანელის თუკურ ბურათაის ცნობით, დაჯგუფებაში შემავალი დანარჩენი ტერორისტები კაპიტულაციის პროცესში არიან, “ეს კი ნათლად ადასტურებს იმ ფაქტს, რომ “ბოკო ჰარამმა” ომი წააგო.” 

8 ივნისს “ბოკო ჰარამმა” ნიგერიის უდიდეს ქალაქზე მაიდუგურზე მიიტანა იერიში, სადაც მილიონზე მეტი ადამიანი ცხოვრობს.

დაჯგუფება „ბოკო ჰარამი“ 2002 წელს შეიქმნა და ძირითადად ნიგერიის ტერიტორიაზე მოქმედებს. ისლამისტები ქვეყანაში შარიათის კანონების შემოღებას ითხოვენ  და დასავლეთის გავლენის შესუსტებისთვის იბრძვიან.