facebook-ის ადმინისტრაცია განცხადებას ავრცელებს.
„დღეს ჩვენ ვმუშობთ განახლებაზე, რათა სიახლეების ზოლში დაბალი ხარისხის ბმულების გავრცელება შევამციროთ“,-განმარტავს სოციალური ქსელის ადმინისტრაცია.
როგორც facebook-ის განცხადებაშია აღნიშნული, სოციალურმა ქსელმა კვლევა ჩაატარა, რის შედეგადაც დადგინდა, რომ ზოგიერთი მომხმარებელი დღის განმავლობაში გამუდმებით აზიარებს საჯარო ინფორმაციას, რის შემდეგაც სხვა ადამიანების ანგარიში „ სპამით“ ივსება.
„ჩვენი კვლევა ცხადყოფს, რომ facebook-ზე არსებობენ პატარა ჯგუფები, რომლებიც გამუდმებით აზიარებენ დიდი მოცულობის საჯარო შეტყობინებას დღის განმავლობაში, რის შედეგადაც ეფექტიანად „სპამავენ“ადამიანების არხებს. ჩვენი შემდგომი კვლევა გვიჩვენებს, რომ ისინი, როგორც წესი, ისეთ ბმულებს აზიარებენ, რომელიც მოიცავს დაბალი ხარისხის შინაარსს, როგორიცაა სენსაციურობა და დეზინფორმაცია. შედეგად, ჩვენ გვინდა, რომ „სპამებზე“ გავლენა შევამციროთ“,-აცხადებენ სოციალური ქსელის წარომადგენლები.
აღნიშნული განახლება მხოლოდ კავშირებზე ვრცელდება, მაგალითად, ინდივიდუალურ სტატიაზე, თუმცა არ შეეხება დომენებს, გვერდებს, ვიდეოს, ფოტოს, ე.წ ჩექ ინს ან სტატუსის განახლებას.
„ჩვენი News Feed-ის ერთ-ერთი ძირითადი ღირებულებები ისაა, რომ ის ინფორმაციული უნდა იყოს. დადგმული ნაბიჯები ახალი ამბების ზოლს გააუმჯობესებს.. გვსურს შევამციროთ ისეთი პრობლემური ბმულების გავრცელება, როგორიცაა, სენსაციურობა და დეზინფორმაცია“,-ნათქვამია facebook-ის განცხადებაში.