მათივე ცნობით, ხუთი მძევალი ადგილზე გარდაცვლილი იპოვეს.
თავდასხმა სააღდგომო წირვის დროს მოხდა. კადუნის შტატის „ნიგერიის ქრისტიანული ასოციაციის“ თავმჯდომარემ, კალებ მააჯიმ განაცხადა, რომ კვირას თავს ორ ეკლესიას დაესხნენ.
როგორც „როიტერი“ წერს, ჩრდილო-დასავლეთ ნიგერიაში თავდასხმები და ადამიანების გატაცება ხშირი მოვლენაა, მათ შორის გამოსასყიდის მისაღებად მასობრივი გატაცებები და სოფლების დარბევები. როგორც ცნობილია, შეიარაღებული დაჯგუფებები რეგიონში არსებულ უზარმაზარ ტყის მასივებს აფარებენ თავს, რაც მათ აღმოჩენას ართულებს.
ცნობისთვის, ნიგერიის ქრისტიან მოსახლეობაზე თავდასხმას არაერთხელ გამოეხმაურა აშშ-ის პრეზიდენტი. 2025 წლის ბოლოს დონალდ ტრამპმა სოციალურ ქსელში დაწერა, რომ ნიგერიაში მოვლენები სახიფათოდ ვითარდება, რადგან იქ ათასობით ქრისტიანს კლავენ. აშშ-ის პრეზიდენტის თქმით, ნიგერიაში ქრისტიანობა ეგზისტენციალური საფრთხის წინაშე დგას და რადიკალი ისლამისტები არიან პასუხისმგებელი „მასობრივ ხოცვა-ჟლეტაზე“.