შავ ზღვაში, დილის 6 საათიდან, 25 წლის მამაკაცის ძებნა განახლდა. ძებნის ღონისძიებაში მაშველებთან ერთად, მყვინთავები, კატერები და სკუტერები ჩაერთნენ.
25 წლის მამაკაცი გონიოში, ზღვაში გუშინ საღამოს შევიდა და გაუჩინარდა. ახალგაზრდა მამაკაცის გაუჩინარების შესახებ ინფორმაცია 112-ში გუშინ შევიდა და მას შემდეგ ძებნა გამოცხადდა.
უამინდობის გამო, მაშველები მოსახლეობას აფრთხილებდნენ შესაძლო საშიშროების შესახებ.
25 წლის მამაკაცის ძებნის პარალელურად, უკვე მესამე დღეა, გრძელდება ბათუმში, ზღვაში 45 წლამდე მამაკაცის სამძებრო სამუშაოებიც. ორივე დაკარგული ადგილობრივი მოსახლეა.
კომენტარები