ძლიერმა წვიმამ ზემო რაჭას პრობლემები შეუქმნა. ადიდებულმა მდინარე რიონმა ზემო რაჭაში საავტომობილო გზები, ხიდები და ნაპირსამაგრები დააზიანა. დაიტბორა სასოფლო-სამეურნეო სავარგულები. სტიქიის ზონაში მობილიზებულია ტექნიკა, მაგრამ ძლიერი წვიმის გამო სამუშაოების დაწყება ვერ ხერხდება.
გუშინ სოფელი ღები გარესამყაროს მოწყდა. ამ დროისთვის გადაადგილება შესაძლებელია მაღალი გამავლობის ავტომობილით. საჭიროების შემთხვევაში, ადგილობრივების გადაადგილებას მუნიციპალიტეტი უზრუნველყოფს, შესაბამისი ტექნიკით.
საგლოლო-ღების, ქუთაისი-ალპანა-შოვი-მამისონის გზებზე მეწყრული კერებია. ინფორმაციას 1tv.ge ავრცელებს.
კომენტარები