საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა თურქეთის რესპუბლიკის საგანგებო და სრულუფლებიან ელჩთან, მუსტაფა თურქერ არისთან გაცნობითი შეხვედრა გამართა.
თავდაცვის მინისტრმა ახალ ელჩს მომავალ საქმიანობაში წარმატებები უსურვა. შეხვედრაზე ირაკლი ჩიქოვანმა საქართველოს თავდაცვის ძალების განვითარების პროცესში თურქეთის მნიშვნელოვან წვლილსა და გაწეულ მატერიალურ-ტექნიკურ დახმარებაზე გაამახვილა ყურადღება. მხარეებმა თავდაცვის სფეროში ორმხრივ და სამმხრივ ფორმატში არსებული თანამშრომლობის საკითხები მიმოიხილეს და სამომავლო პერსპექტივებზე იმსჯელეს.
საუბარი შეეხო რეგიონში მშვიდობისა და სტაბილურობის უზრუნველყოფის, საქართველოსა და თურქეთს შორის სტრატეგიული პარტნიორობის მნიშვნელობასა და მის კიდევ უფრო გაღრმავებას.
თავდაცვის სამინისტროში გამართულ შეხვედრას თავდაცვის მინისტრის პირველი მოადგილე პაატა პატიაშვილი, საქართველოში თურქეთის რესპუბლიკის თავდაცვის ატაშე, პოლკოვნიკი ილჰან ოქთენდურალი და თურქეთის საელჩოს წარმომადგენლები დაესწრნენ.