ეს ქართველი ხალხის უპატივცემულობას ნიშნავს, ვინაიდან ქართველ ხალხს ეუბნებიან, რომ მათ არ შესწევთ ძალა ისეთი ადამიანები აირჩიონ, როლებიც სამშობლოს გამოადგებიან, – ასე გამოეხმაურა თავდაცვისა და უშიშროების კომიტეტის თავმჯდომარის მოადგილე თენგიზ შარმანაშვილი ევროკავშირის უმაღლესი წარმომადგენელის, კაია კალასის განცხადებას.
მისი თქმით, ისინი ქართველ ხალხს ჭკუას ასწავლიან და ამას პირველად არ აკეთებენ.
„ეს უპატივცემულო დამოკიდებულება როგორც არ უნდა შენიღბონ, მერე რომ ამბობენ ხოლმე პატივს ვცემთ ქართველ ხალხსო, არის სრულიად აბსურდული”, – განაცხადა თენგიზ შარმანაშვილმა.
ბრიუსელში, ევროკავშირის საგარეო საქმეთა მინისტრების შეხვედრამდე, კაია კალასმა საქართველოსთან დაკავშირებით განცხადება გააკეთა. მან თქვა, რომ არ სურთ მთავრობის მხარდაჭერა და სურთ მხარი დაუჭირონ ქართველ ხალხს.