16 ივლისს გამთენიისას, თურქეთში ტრაპზონთან 120 კილომეტრში, ავტობუსი გადაბრუნდა, რომელშიც ქართული ანსამბლის “ლამპრების” მოცეკვავეები, ქორეოგრაფები, ოპერატორი და მშობლები ისხდნენ.
ანსამბლი გასტროლეზე ბულგარეთში მიემგზავრებოდა… ავარიის შემდეგ მძიმედ დაშავდა 7 ადამიანი. ერთ მშობელს მაიკო დათიაშილს ფეხის ამპუტაცია ჩაუტარდა. ის თურქთში 2 კვირიანი მკურნალობის შემდეგ საქართველოში გადის რეაბილიტაციას.
მისი ამჟამინდელი მდგომარეობის შესახებ მაიკო დათიაშილი ჟურნალ “თბილისელებს” ესაუბრა.
“აქტიურად ვცხოვრობდი და ახლაც ასე ვარ. ვერ ვჩერდები. ერთადერთი ცოტა დისკომფორტს მიქმნის ის, როცა ქვემოთ მაქვს ფეხი – სისხლი აწვება და მეწვის. ზოგჯერ დამავიწყდება და მარჯვეა ფეხს, რომ დავდგამ ასადგომად, ვხვდები, მეორეს ვერ დავდგამ. ჩემი შვილი მეუბნება” დედიკო, სკოლაში შენ ხო წამიყვანო. კი, დედიკო როგორ არ წაგიყვან-მეთქი. აწი ცხოვრებაში სულ მარჯვენა ფეხით ვივლი. შვილებს არ მინდა რაღაც განსხვავებული ცხოვრება ვაჩვენო ამ პრობლემის გამო. სკოლამდე ჯერ კიდევ ერთი თვეა და იმედია, ისევ დავჯდები საჭესთან და ბავშვებსაც ვატარებ. ისე, როგორც ადრე”, – ამბობს მაიკო.