ბათუმში, გენერალ აბაშიძის ქუჩაზე თხევადი გაზის სადგურზე აფეთქება მოხდა. ცეცხლი სადგურთან მდებარე სახლებს წაეკიდა.
როგორც თვითმხილველები ამბობენ, ხანძრის შედეგად ერთი სახლი მთლიანად დაიწვა, ორ სახლი კი ნაწილობრივ.
მოსახლეობა ამბობს, რომ უსაფრთხოების წესები დაცული არ იყო. ადგილზე იმყოფებიან სახანძრო და სამაშველო ბრიგადები.
შემთხვევის შედეგად სამი ადამიანი დაშავდა, რომლებიც თვითმხილველებმა საკუთარი ავტომობილებით ბათუმის სხვადასხვა საავადმყოფოში გადაიყვანეს.
შემთხვევის ადგილზე 60 მეხანძრე-მაშველია მობილიზებული. ამ დროისთვის ხანძარი ლოკალიზებულია და ცალკეული კერების დაქრობითი სამუშაოები მიმდინარეობს. ამ დროისთვის ხანძრის გავრცელების საშიშროება აღარ არის.
კომენტარები