გიორგი ანწუხელიძის გმირობა დარჩება საქართველოს ისტორიას და მომავალ თაობებს, – ამის შესახებ საქართველოს პარლამენტის თავმჯდომარის ირაკლი კობახიძის განცხადებაშია ნათქვამი, რომელიც აგვისტოს ომის გმირის, გიორგი ანწუხელიძის დაბადების დღეს ეძღვნება.
კობახიძე აღნიშნავს, რომ საუკუნეების განმავლობაში, საქართველოს დამოუკიდებლობა და სახელმწიფოებრიობა სწორედ ასეთი გმირების მხრებზე იდგა.
”დღეს თანამედროვეობის ერთ-ერთი უდიდესი გმირის, გაუტეხავი, ამაყი და თავისუფლებისმოყვარე ქართული სულის სიმბოლოს – გიორგი ანწუხელიძის დაბადების დღეა.
საუკუნეების განმავლობაში, საქართველოს დამოუკიდებლობა და სახელმწიფოებრიობა სწორედ ასეთი გმირების მხრებზე იდგა. სწორედ გიორგი ანწუხელიძის მსგავსი ადამიანების დამსახურებაა, რომ ჩვენ ახლა დამოუკიდებელ საქართველოში ვცხოვრობთ. 23 წლის სერჟანტმა 2008 წლის აგვისტოს ომში ის გააკეთა, რასაც ჩვენ წიგნებში, გმირთა შესახებ მოთხრობილ ისტორიებში ვკითხულობთ – სასტიკი წამების მიუხედავად, არ გატყდა და მტერს ქედი არ მოუხარა.
გიორგი ანწუხელიძის გმირობა დარჩება საქართველოს ისტორიას და მომავალ თაობებს”, – ნათქვამია ირაკლი კობახიძის განცხადებაში.
“სასტიკი წამების მიუხედავად, არ გატყდა და მტერს ქედი არ მოუხარა” – ირაკლი კობახიძე გიორგი ანწუხელიძეზე
2017/08/18 12:59:43
ნანახია: 1136 ჯერ