28 ადამიანი დაშავდა აჭარა-გურიის გზაზე, ცენტრალურ ავტომაგისტრალზე მომხდარი ავტოსაგზაო შემთხვევის შედეგად. შემთხვევა დღეს დილით მოხდა. ერთმანეთს ორი მიკროავტობუსი შეეჯახა.
დაშავებულები არიან ორივე მიკროავტობუსის მგზავრები. ისინი სხვადასხვა დაზიანებით ქობულეთის კლინიკებში არიან გადანაწილებულნი. ოთხი მათგანი რეანიმაციულ განყოფილებაშია მოთავსებული.
მომხდარზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის ჯანმრთელობის ნაკლებად მძიმე დაზიანება გამოიწვია.
კომენტარები