შინაგან საქმეთა მინისტრის, გიორგი მღებრიშვილის განცხადებით, თუ რა მიზეზით ჩამოვარდა ბორჯომის ხეობაში ვერტმფრენი, ექსპერტიზის ჩატარებამდე პასუხის გაცემა ნაადრევია.
”სულ რამდენიმე საათში უკვე თბილისში გადაიყვანენ ვერტმფრენს. გამოძიების ფარგლებში დაინიშნება შესაბამისი ექსპერტიზა და ყველაფერი გაირკვევა. ვერსიაზე ამ ეტაპზე ვერ ვისაუბრებ.
გაუმართავი არც ერთი ვერტმფრენი არ ყოფილა. ერთ ვერტმფრენს ჩაუტარდა რეგლამენტი და ისიც შეუერთდა სამუშაოებს, თუმცა ვერტმფრენი, რომელმაც გუშინ განახორციელა ავარიული დაშვება, არ ყოფილა ის ვერტმფრენი, რომელსაც რეგლამენტი ჩაუტარდა. აღნიშნული ვერტმფრენი პირველივე დღიდან მუშაობდა სტიქიის ზონაში”, – განაცხადა გიორგი მღებრიშვილმა.
კომენტარები