მოხარული ვართ, რომ დღეს ჩვენთან ერთად ლოცულობდა მთავრობის თავმჯდომარე, ბატონი პრემიერ-მინისტრი და მთელი მთავრობა, – ამის შესახებ სრულიად საქართველოს კათოლიკოს პატრიარქმა, უწმინდესმა და უნეტარესმა ილია მეორემ სიონის საკათედრო ტაძარში ბრძანა, სადაც პრემიერ-მინისტრი და მთავრობის წევრები იმყოფებიან.
პატრიარქმა მრევლს მარიამობის დღესასწაული მიულოცა და დღესასწაულთან დაკავშირებით საღმრთო ლიტურგია აღავლინა.
„კიდევ ერთხელ ყველას გილოცავთ ამ დიდებულ დღესასწაულს. ჩვენ მოხარული ვართ, რომ ჩვენთან ერთად დღეს ლოცულობდა მთავრობის თავმჯდომარე, ბატონი პრემიერ-მინისტრი და მთელი მთავრობა. თქვენი ლოცვა შეისმინოს უფალმა და დაგიცვათ და დაგიფაროთ ხილული და უხილავი მტერისგან. დალოცვილი იყავით“, – ბრძანა პატრიარქმა.
კომენტარები