თელ-ავივში, „ევრობასკეტი 2017-ის“ დაწყებამდე, საქართველოს ეროვნულმა საკალათბურთო ნაკრებმა Tel Aviv არენაზე ივარჯიშა.
ვარჯიშის შემდეგ, პირველი არხის ჟურნალისტი ნაკრების კაპიტან ზაზა ფაჩულიასთან ინტერვიუს წერდა. საუბარი ჟურნალისტებთან დაგეგმილზე მეტხანს გაგრძელდა, რის გამოც, იქვე მყოფმა იტალიის ნაკრების მთავარმა მწვრთნელმა ფაჩულიას რუსულად მიმართა, „დააჩქარე, დააჩქარე“, რადგან მოედანზე ვარჯიში ამჯერად იტალიის ნაკრებს უნდა დაეწყო.
პასუხად, საქართველოს ნაკრების კაპიტანმა მწვრთნელს ინგლისურად „შეუსწორა“ – „ნუ მესაუბრები რუსულად“ (Don’t talk to me Russian, man).
კომენტარები