2007 წლის 7 ნოემბერი იყო ყველაზე მძიმე დღე საქართველოს უახლეს ისტორიაში – ასე გამოეხმაურა “ევროპული საქართველოს” ერთ-ერთი ლიდერი ოთარ კახიძე 10 წლის წინ განვითარებულ მოვლენებს.
მისი თქმით, ბადრი პატარკაციშვილის ჰქონდა განზრახვა ხელისუფლების დამხობის.
“ბადრი პატარკაციშვილის, რომელიც მაშინ იგი ავანგარდში, ჰქონდა მცდელობა ხელისუფლების არაკონსტიტუციური გზით შეცვლის, ხელისუფლების დამხობის. ის მოსყიდვით გეგმავდა შინაგან საქმეთა მინისტრის “დაძინებას”, როგორც იგი თავადვე აცხადებდა. ბიძინა ივანიშვილი სააკაშვილთან ერთად იმყოფებოდა პატარკაციშვილის წინააღმდეგ”,- განაცხადა ოთარ კახიძემ.
როგოც მან აღნიშნა, ბიძინა ივანიშვილი მაშინ იყო სააკაშვილის მოკავშირე ბადრი პატარკაციშვილის გასანეიტრალებლად.
“შემდეგ ამას მოჰყვა არაერთი ბევრი მცდარი ნაბიჯი, რასაც მოჰყვა პოლიტიკური პასუხისმგებლობა- მიხეილ სააკაშვილი გადადგა თანამდებობიდან და დაინიშნა ხელახალი არჩევნები. პოლიციელების მხრიდან ხშირ შემთხვევაში ადგილი ჰქონდა ძალის გადამეტებას, თუმცა ამის გამო პოლიციელები არ დასჯილან. ხელისუფლების სამიზნე ყოველთვის იყო პოლიტიკური ოპონენტი და არა სამართალდარღვევის ჩამდენი პირი”,- განაცხადა კახიძემ.