„პრემიერთან იყო საუბარი იმ ცვლილებებზე რაც განხორციელდება – ამის შესახებ პარლამენტის საპროცედურო საკითხთა და წესების კომიტეტის თავმჯდომარემ გიორგი კახიანმა ჟურნალისტებს „ქართული ოცნების“ ოფისთან საპარლამენტო უმრავლესობის თათბირის დასრულების შემდეგ განუცხადა.
”პრემიერთან იყო საუბარი იმ ცვლილებებზე, რომელიც განხორციელდება. საუბარია როგორც საკადრო, ასევე სტრუქტურულ ცვლილებებზე. მას შემდეგ, რაც პრემიერი განცხადებას გააკეთებს ხვალ, ამის შემდეგ საკანონმდებლო ცვლილებები იქნება აუცილებელი და პარლამენტი ჯერ შესაბამის საკანონმდებლო ცვლილებებზე იმსჯელებს და განახორციელებს. ამის შემდეგ იქნება ახალი მთავრობისთვის ნდობის გამოცხადების პროცედურების დაწყება შესაძლებელი. პრემიერი ხვალ დეტალურად ისაუბრებს და მიაწვდის საზოგადოებას ინფორმაციას სტრუქტურული ცვლილებების გამო რომელი სამინისტრო გაერთიანდება და ა.შ. ”, – განაცხადა გიორგი კახიანმა.