თბილისის ახლადარჩეული მერი, კახა კალაძე თბილისის მერის პოსტზე ბრიფინგს გამართავს. მერიის საზოგადოებასთან ურთიერთობის ინფორმაციით, ბრიფინგი 15:00 საათზეა ჩანიშნული.
“პრაიმტაიმის” ინფორმაციით, კალაძე თავის ახალ გუნდს წარადგენს. რამდენადაც „პრაიმტაიმისთვის“ ცნობილი ხდება ახალი მერის მოადგილეები იქნებიან: ირაკლი ხმალაძე, მაია ბითაძე, ნათია ჭელიძე და ირაკლი ბენდელიანი.
ირაკლი ხმალაძე კახა კალაძის მოადგილე იყო ენერგეტიკის სამინისტროში, მაია ბითაძე კი – გარემოს დაცვის მინისტრის მოადგილე. ადგილობრივი არჩევნების დროს ისინი კალაძის საარჩევნო შტაბის წევრები იყვნენ. სწორედ მათ მოამზადეს თბილისის ურბანულ და ეკონომიკურ განვითარებასთან დაკავშირებული და ეკოლოგიური მიმართულების პროგრამები.
ოფისის დაკავებამდე რამდენიმე დღით ადრე კახა კალაძემ თქვა, რომ მას ძლიერი და პროფესიონალი გუნდი ეყოლება